كان يا مكان في قديم الزمان فواحد المنطقة سميتها عين مديونة بالضبط إقليم تاونات كانت شي حاجة سميتها دار الشباب مور الجامع ديال الفيلاج وبضبط قدام تعاونيات الحليب لكانت لداخل مور بشيري الله يذكرو بالخير كنا صغار كنمشيو نلعبو تماك ونقضيو على الفراغ وبدلو الروتين ومن الأحد الأحد كان سي حسن الله يذكرو بخير كينظم لينا دوريات وكانوا كيجيو بزاااف ديال الفرق وكان كلش كيدوز مزيان وكلش فرحان وناشط لي كيلعب راه كيلعب ولي كينظم كينظم ولي كيتفرج كيتفرج المهم دار الشباب كان كيستقطب بزااف ديال الأطفال الصغار وهذا كان كتحفيز لي كان كيمنع العديد ميمشيوش يتبلاو وهوما فسن المراهقة وكان كيتنظم فهاد دار الشباب أنشطة ثقافية و فنية المهم معندي منقول كانت دار الشباب الكل يعرفها غنية عن التعريف .
سؤال المطروح ...!
ما سبب وراء غلق أبواب ذلك المتنفس الذي كان يحتضن مجموعة من الأطفال وكذلك الشباب...؟
لماذا تم تهميش ذلك المكان الذي كان على المسؤولين حمايته وصونه لأن عين مديونة بشبابها وشيوخها تعرف جيد مدى أهمية دار الشباب ...؟
وأخيرا من هم الجهات التي كانت وراء كل هذا ...؟
وشكراا للجميع .